Dásamlegt detox "pasta" fyrir tvo
Afsakaðu þetta smáræði elsku Ítalía, en stundum þarf bara að nota orðið pasta frjálslega. Vissulega er þetta ekki pasta í orðsins fyllstu merkingu en þegar það þarf að núllstilla kroppinn og taka út dóna á borð við sykur og mikið unna matvöru er gott að eiga töfrabrögð á borð við þessa uppskrift inni. Því einföld og góð hráefni eru alltaf best.
1 stór kúrbítur eða tveir minni
1 lífræn sítróna
Góð olívuolía
1/2 dl ristaðar furuhnetur
1 box picollo tómatar
1 dl söxuð fersk basilika
Sjávarsalt
Svartur pipar
1/2 grænt epli
1 lúka klettasalat
- einnig má bæta við avókadó tenginum ef vill.
-
Þvoið grænmetið vel. Best er að nota grænmetisskrúbb á kúrbítinn.
-
"Yddið" kúrbítinn í þar til gerðum yddara. Setjið hann í skál með eldhúspappír og kreistið nokkrum sinnum til að ná vatni úr.
-
Saltið kúrbítinn - ekki of mikið.
-
Setjið sítrónuna í sjóðandi vatn í stuttan tíma (ca. 30 sek) til þess að ná vaxi og óhreinindum af berkinum.
-
Raspið börkinn af hálfri sítrónu yfir kúrbítinn.
-
Setjið tómatana, basilikuna og hneturnar út á.
-
Piprið.
-
Hellið sirka 1 msk af olíu yfir.
-
Saxið eplið og dreifið yfir.
-
Berið fram með klettasalati.
Þetta er dásamlega gott hvort sem er í nesti eða kvöldmat.